姑娘，唔該借眼…

一日，一位二十剛出頭的女生前來求診，新症。

主訴是發風疹及為心口幾顆經久不去的瘡瘡而苦惱。問完一輪關於風疹後再查問那些瘡瘡。經過一輪包括大小、色澤、有無膿頭？大小變化，有否流滋等的查問…或許她看到我頭頂的問號？又或者它們著實讓她憂心得可以，很想解決掉它們，於是…

病：(很自然地)你要唔要睇吓？

醫：(錯愕中略帶猶豫)er…都好嘅…你等等，我叫姑娘入嚟吖(心想，要查看心口，安排第三者在場，這樣對雙方都多一重保障)…(微笑)咁樣對大家都有好處嘅…

於是立刻出去前台邀請了之前那位大大聲姑娘入診室。病人把T-shirt的圓領拉下…大概不到兩寸，那幾粒大約0.5X0.2CM大小經久不癒的瘡瘡就影入眼簾，我很專業地用眼睛查看了一遍。病人手一鬆，圓領貼伏地回到它原來的位置。我亦如常地斷證、給醫囑、開藥…送走病人。

然後我笑著找大大聲姑娘來個debrifing…

醫：(烚熟地)頭先唔該晒你幫手借眼…佢之前話要睇心口，所以…所以先搵你借眼…

姑：係囉，只不過係鎖骨對落寸零，又點會係心口呢？(姑娘的解剖知識的確很好！)

醫：係囉，佢話心口喎…應該落D先係叫做心…

姑：係囉，我見到當時你都打個突…但個病人好似唔覺嘅…(姑娘的觀察又很入微噃！)

醫：係囉，早知係咁就唔使搵你…(哈哈！哈哈哈…)

整件事，應該至少有2個女人笑緊1個男人(唔計你地)：一個係姑娘，另一個就係病人。佢地或者會咁諗：「唔係呀，咁都要借眼？好誇張啫…」一個無奈，深感被fake嘅醫師只能回：「小姐，你同我講係心口o架噃…」

經一事「蔡一志」：第一，心口指涉嘅範圍原來可以係咁闊廣嘅，足之明白咩嘢叫做心胸廣闊啦~~~第二，下次可以先請病人隔著衫指指大概位置，才決定下一步…完！

唔…但我應該為我嘅謹慎及專業感到驕傲！係咪？